NFR-in isolation ward atan rel pindan 288 siam

Northeast Frontier Railway (NFR) chuan hri kaite enkawlna hmun indaih lohna thleng mek chhawk zangkhaina turin rel pindan 288 chu Covid care isolation ward atan a siam a, a huam chhunga railway hospital parukah oxygen plant a dah bawk.

NFR general manager Anshul Gupta chuan state hrang hrangte indaih lohna hre chungin, passenger coach 228 chu islolation coach-ah siamin, hengah hian khum 4,608 a awm tih a sawi. Hengte hi hmarchhak state-ten an hman turin an siam tih a sawi.

India rama railway zone 17 zinga pakhat NFR hian hmarchhak bial, Meghalaya leh Sikkim telloin state paruk, West Bengal-a district paruk leh Bihar hmarlama district panga a huam a ni. NFR hian hmarchhaka Assam, Tripura, Manipur, Nagaland leh Arunachal Pradesh state-ahte hri len chhungin bungraw phur rel a tlantir chhunzawm reng a ni.

Gupta chuan NFR hnuaia thawk mi 2,500 chuang chuan Covid-19 hri kai tawhin, heng zinga 1,500 chu an dam leh tawh a, an hna pawh an zawm thei tawh niin a sawi bawk.