Shillong Civil Hospital-ah oxygen generator unit 6 dah dawn

Meghalaya sorkar chuan Shillong Covil Hospital-ah oxygen generator unit paruk a dah dawn.

State sorkar chuan dam lo enkawlna turin oxygen stock an ngah tawk tih sawiin, mipuite chiai lo turin a ngen nghal bawk.

Deputy chief minister Prestone Tynsong chuan oxygen generator unit parukte hi kar leh lamah hman theih nghal an ni dawn tih a sawi. Hei hian cylinder mamawhte pawh a chhawk zangkhai dawn a, hospital-in a mamawh bak chu state chhung hmun dangah sem chhuah a ni dawn bawk a ni, a ti.

Assam-a civil hospital tinin oxygen plant nei vek dawn
Assam health minister Keshab Mahanta chuan thla tharah chuan an state-a civil hospital tin chuan anmahni pualin oxygen plant an nei vek dawn tih a sawi.

Minister hian Ningania Nalbari Swahid Mukunda Kakati Civil Hospital a tlawh ṭumin he thu hi a sawi a, state sorkar chuan hri darh zel tur venna atan test neih zat pawh tipungin, ni khatah mi nuai khat tal test a tum tih a sawi.