Duty ngaihsak lo medical staff-te chunga action lak phut

All Naga Students' Association, Manipur (ANSAM) chuan Manipur sorkar chu an state-in hri leng an hmachhawn mek laia doctor leh medical staff, an post-na hmuna awm lo a, an duty ngaihsak lote lakah action la nghal turin an phut tih an sawi.

ANSAM chuan hri leng dona hmanga a hmatawngtu, frontline warrior-te chu a ngaihluin an zah hle tih a sawi a, "In inpekna avangin mi tam tak an him phah a, mahse indona hi a la zo lo a, chak taka in thawh zel theihna atan in tan kan lo ṭawngṭaiin kan thlawp tlat che u a ni," a ti. Hemi rual hian doctor leh medical staff ṭhenkhat, an post-na hmuna awm lo an awm a, heng mite hi hremna pek ngei tur a ni, an ti.

Hri leng dona kawnga state sorkar hmalakna chu fakawm an tih thu sawiin, ANSAM chuan hri kai thar an tlakhniam zel theihna tura policy ṭha tak siam tura an duh thu an sawi bawk. Minister leh thuneitu dangte pawh an bial tin dinhmun ngaihven a, ṭanpui hna thawk zel turin an chah bawk a ni.