Meghalaya CM-in Shillong Civil hospital a tlawh

Meghalaya chief mi­nister Conrad Sangma chuan Pathianni khan Shillong Civil Hospital a tlawh a, oxygen generation plant siam mek a enfiah.

CM chuan oxygen generation plant siam hna thawh mek chu 98% zawh fel a ni tawh tih sawiin, he plant aṭang hian minute khatah oxygen liter 270 siamchhuah theih a ni dawn a ni, a ti.

Sangma hian hospital-ah hian review meeting a neihpui nghal a, doctor leh staff-te chu mipuite tana an hnathawh leh inpekna avangin lawmthu a hrilh. CM chuan sorkarin hri leng thawh hnihna thleng mek dona kawngah theihtawp a chhuah thu a sawi bawk.

Meghalaya-ah hian hri kai mek, active case hi 4,534 an awm a, hri kai pun chakna East Khasi Hills district-ah lockdown puan niin, hmun dangah khuahkhirhna khauh tak siam a ni bawk.