AP-ah B.1.617.2 variant kai 6 hmu

Arunachal Pradesh-ah Covid-19 hri chi hran, inkaidarh awlsam zawk nia sawi B.1.617.2 variant kai paruk hmuh an ni tawh tih health department official-ten an sawi.

Tomo Riba Institute of Health and Medical Sciences (TRIHMS) media cell in-charge Dr Jego Ori chuan Regional Medical Research Centre (RMRC), Assam-a Covid-19 positive sample 10 thawn zingah paruk chu India rama Covid-19 hri inthlak danglam hmuh chhuah, B.1.617.2 variant an ni tih hriat a ni, a ti.

B.1.617 variant hi inkaidarh a awlsam avangin India rama hri leng thawh hnihna na tak a thlenna chhan pakhat nia rin a lo ni tawh a, Maharashtra leh Delhi-ah he hri chi hrang kai hmuh chhuah hi an tam hle a ni.