AR sipaiten helho tawmbuk hmu chhuak

Assam Rifles sipaite'n Pathianni khan Manipur-a Tengnoupal district-a Leibi khaw bul ramhnuaiah helho tawmbuk an hmu chhuak.

Inspector General of Assam Rifles (South) office thuchhuah chuan, thu an dawn bawhzuiin sipaite hian ramhnuaiah helho hmun dapin beihpui an thlak a, Myanmar ramri bul, km 10 velah helpawl tawmbuk pakhat hi an hmuchhuak tih a tarlang. Helho tawmbuk aṭang hian M-16 assault rifle, rocket launcher leh silai mute bakah, Myanmar pawisa eng emaw zat an man tel a ni. Hel erawh hmuh tur an awm lo. An ralthuam hmante hi Tengnoupal police station-ah an hlan nghal a ni.