Nagaland-a PSA oxygen plant hmasa ber hawng

Nagaland healh & family welfare minister S Pangnyu Phom chuan Thawhṭanni khan an state-a pressure swing adsorption (PSA) oxygen generating plant hmasa ber, Nagaland Hospital Authority Kohima (NHAK)-a siam chu a hawng.

Plant awmna hmuna inkhawm buatsaiah, Minister chuan union health ministry, UNDP leh UNICEF-te chungah lawmthu sawiin, hei hi an state tana mellung pawimawh tak a nih thu a sawi. Pangnyu chuan NHAK leh Christian Institute of Health Sciences & Research (CIHSR), Dimapur-ah 1,000 liter per minute (LPM) capacity PSA oxygen generating plant dang siamna tur hian union health ministry-ah rawtna thlen a ni tawh bawk tih a sawi.

NHAK-a PSA oxygen generating plant hmasa ber siam hi PM CARES Fund-a sum an dawn aṭanga siam a nih thu a sawi a, LPM 300 a ni. PM CARES Fund aṭang hian PSA oxygen generation plant pathum siamsak an ni dawn tih a sawi a ni.

Plant aṭanga gas sample pawh Fare Labs, Gurgaon-ah test tura thawn niin, report-ah medical oxygen purity hi 95.37% niin, hei hi medical thila hman turin a tling tawk tih pawh hriat chian a ni tawh a ni, a ti.