Tripura-a school 20-te specified category-ah dah

Tripura cabinet chuan an state-a school 20-te chu specified category-ah dah a remti a, Class 1-4 leh Class 6-7 zirlaite chu pawl sawn tir vek turin a ti bawk.

Education minister Ratan Lal Nath chuan hri pui leng vanga hun rei tak zirna in khar a nih avangin he thutlukna hi siam a nih thu a sawi. School kal chhunzawm theih hunah zirlaite mark chu siam a ni dawn tho tih a sawi a, mahse mark hmu tlem pawh pawn sawn tir an ni ve dawn tho a ni. An state-a hri leng dinhmunin ziaawm lam a la pan theih loh avangin school summer vacation pawh May 25 thleng tih chu June 6 thleng pawhsei a ni tih Nath chuan a sawi.

Minister chuan speci­fied category-a school hlankai-a thawk turte chu sorkar school hrang hranga zirtirtu aṭangin special examinatioin buatsaihin lak a ni dawn tih a sawi. Heng school thlan chhuahte hi model school an ni dawn a, zirlai admission ti turte pawhin screening test an tih vek a ngai dawn tih a sawi.

Nath chuan Class 5 leh Class 8 zirlaite pawl sawn tir chungchang chu cabinet-in a la ngaihtuah dawn tih a sawi a, Class 9 leh 11 tana examination buatsaih pawh Tripura Board of Secondary Education (TBSE) thuneitute nen inrawnin thutlukna siam a ni bawk ang.