Assam CM-in tuilian laka inven leh inbuatsaih dan tur sawipui

Assam chief minister Himanta Biswa Sarma chuan furpui lo thleng tura tuilian laka lo inven dan tur leh lo inbuatsaih lawk dan tur sawipuiin, Nilaini khan Revenue leh Disaster Management Department-te meeting a neihpui.

Chief Minister Sarma chuan tui len theihna hmuna chengte tana chhawmdawlna rang taka pek an nih nghal theih­na tura inbuatsaih lawk turin official-te a hrilh a, hei bakah hian tuilian tuartuten an mamawh tur thawmhnaw, bungbel leh inchhung bungraw mamawh dang leina tur sum pek chhuah tihkhawtlai a ni chu a lawm loh thu a sawi bawk. CM chuan department hnenah heng sum mamawhte hi tikhawtlai loa pekchhuah nghal a nih theihna turin deputy commissioner-te pawh thuneihna pek belh turin a ti a ni.

Harsatna tawkte hnena ṭanpuina leh chhawm­dawlna pekte chu langtlang taka kalpui a ni tur tih sawiin, department leh district thuneitute chuan ṭanpuinate hi tikhawtlai loin an pe nghal zel tur a ni, a ti. Department hnenah DC tinte chu inbuatsaihna atana tarpaulin, damdawi leh mamawh dangte lei lawk tura hriattir turin a ti bawk.

Tuilian thlen theihna biala chengte tan relief camp tam zawk siam a ṭul thu pawh CM chuan a sawi bawk a ni.