Meghalaya CM-in state university campus sak lai endik

Meghalaya chief minister Conrad K Sangma chuan Captain Williamson Sangma Technical University sak lai endikin, hna thawh danah a lungawi thu a sawi. He university hi nakkum January thlaah hawn tum a ni.

Chief Minister chuan hna 80% chu zawhfel a ni tawh a, kumin October thlaah campus chu zawhfel hman beisei a nih thu a sawi. Campus panna tur kawngpui pawh a hun taka zawhfel a nih theihna turin PWD department pawh hriattir a ni tawh tih a sawi bawk.

Captain Williamson Sangma Technical University hi South West Garo Hills-a Balalgre-ah sak a ni a, a senso atan cheng vaibelchhe 16.96 ruahman a ni. Meghalaya-a technical university hmasa ber tur niin, an state chief minister hmasa ber Captain Williamson A Sangma hming chawia sak a ni.