Assam-ah DNLA hel paruk kaphlum

Assam police leh Assam Rifles-ten nimin zinga Karbi Anglong district-a Dhansiri area-a beihpui an thlaknaah Dima Hasao National Liberation Army (DNLA) hel paruk an kaphlum. An inbeihnaah hian Assam Rifles sipai pakhatin hliam a tuar ve bawk.

Security force-te hian Dimapur – Duguidisha & Missibalam reserve forest-ah DNLA helho an awm thu an dawng a, zing dar 2.30 velah helho hi lo ambush-in an inkap zui a ni. An inbeihnaah hian hel paruk kahhlum an ni a, an ralthuamte pawh an man sak zui bawk. Ralthuam an mante hi AK serief rifle pahnih, 303 rifle pakhat, pistol pali leh silai mu eng emaw zat a ni.

Karbi Anglong superintendent of police Pushpa Singh chuan hel ṭhenkhat an tlanchhe hman tih sawiin, heng mite hi man ngei tumin ngawrh taka zawn nghal an ni, a ti.