Meghalaya sorkarin hri kai ina inenkawlte a thlawnin Covid care kit sem zel dawn

Meghalaya sorkar chuan Covid-19 hri kai, in lama inenkawlte chu Covid care kit chu a thlawnin a sem zel dawn.

Deputy chief minister Prestone Tynsong chuan hri kai, in lama inkhunghrangten harsatna hrang hrang an tawhte hrethiamin, he thutlukna hi an siam tih a sawi. "Hri kai vanga in lam inekawlten harsatna tawhte a theih anga chhawk zangkhai kan duh a, hei vang hian hmanrua mamawhte hi a thlawna pek zel an ni ang," a ti.

State sorkar chuan nikuma hri leng thawh khatna a thlen lai khan inkhunghran ngai chhungkuate chu ration, toiletries leh thil dang an mamawh turte a thlawnin a lo sem tawh bawk.

Dy CM chuan sorkar chuan home isolation ngai lo turin corona care center tam zawk siam a tum tih a sawi. Hemi rual hian centre hi an mamawh ang zat siam a nih phawt loh chuan home isolation chu kalpui chhunzawm a la ni rih dawn tih a sawi nghal bawk.