AP-a PSA oxygen plant 2 siamna tur pawm

Sorkar laipui chuan Arunachal Pradesh-ah pressure swing adsorp­tion (PSA) oxygen plant pahnih siam a phalsak.

Plant-te hi DRDO-in Nahar­lagun-a Tomo Riba Institute of Health and Medical Sciences (TRIHMS) leh West Kameng district-a Tenga-ah PM CARES Fund hnuaiah a siamsak dawn a ni.

Chief minister Pema Khandu chuan union health and family welfare ministry-in PSA oxygen plant pahnih siam a phalsak thu hi sawiin, hei hian an state-a Covid-19 hri kaite mamawh oxygen supply-naah nasa taka a puih tur thu sawiin, lawmthu a sawi.

Arunachal Pradesh hian World Health Organisation (WHO) hnen aṭangin oxygen concentrator 150 a lo dawng tawh bawk a ni.

State health minister Alo Libang chuan hri dona kawngah sorkar chuan theihtawpin hma a la zel tih a sawi a, oxygen bed 300 chuan awm tawhin, Dedicated Covid Hospital (DCH) Chimpu-ah khum 500 siam belh tum mek a ni, a ti.