Manipur-in Myanmar ramri khar

Manipur sorkar chuan coronavirus, Covid-19 leng mek avangin invenna kawng khat atan Myanmar nen an inrina chu Thawhṭanni khan a khar. 

Chief minister N Biren Singh chuan thuchhuah siamin, "Covid-19 leng mek avangin Manipur sorkar chuan international border kaltlanga lut leh chhuah a remti rih lo," tiin ramri khar a nih thu hi a sawi a ni. 

State sorkar chuan India-Maynmar border-a Manipur sector lama gate leh crossing point hrang hrangte chu thupek a awm leh hma chuan khar rih a ni dawn tih a sawi. He thupek bawhchhe lo tura mipuite ngenin, thuneitu hrang hrangte pawh sorkar thupek  kengkawh tura theihtawp chhuah turin a hriattir nghal bawk. 

Manipur health department chuan venthawn thilah mi 67 chu an dinhmun enfiah turin, an chenna inah dah hran an ni tih an sawi. Heng mite pawh hi an dinhmun a ṭha nia an lan thu a sawi bawk. Union health ministry-in Covid-19 testing centre 52 dahna tura a tih zingah Mani­pur hi a tel a, Imphal-a  Jawa­harlal Nehru Institute of Medical Sciences (JNIMS) ah testing centre hi siam a ni ang.