Assam-in OIL hnenah Rs vbc 500 pe

Assam sorkar chuan Numaligarh Refinery Limited (NRL)-a an share, 26%-a tihpunna turin Ningani khan Oil India Limited (OIL) hnenah cheng vaibelchhe 500 a pe.

Chief minister Himan­ta Biswa Sarma chuan 2020-21 budget-ah state sorkar chuan NRL-a an share neihsa 12.5% chu 26% a tihpun turin a lo ti tawh tih sawiin, an sum pek ngai hi Rs vbc 2,150 a nih thu a sawi bawk. March thla khan Rs vbc 500 an pe tawh a, Ningani khan Rs vbc 500 pe lehin, a bak Rs vbc 1,150 chu September thlaah pek fel an tum tih a sawi. An pek fel hunah NRL-ah hian Assam chuan 26% share a nei thei tawh dawn a ni.