Assam leh Nagaland-in high-level meeting nei dawn

Assam leh Nagaland chuan ramri chungchanga buaina chinfel dan ngaihtuahin high-level meeting neih thuai an tum.

State pahnihte hi ramri chungchangah hun rei tak aṭang tawhin an lo buai fo tawh a, tun hnaiah Assam Congress MLA-in Nagaland-Assam border-a Vikuto khua a tlawh ṭumin Nagaland lam mi nia hriatten an lo beih avangin an buai thar leh a ni.

MLA hian Assam huam chin, ramhnuaiah Nagaland mite an inkhuar nia complaint a dawn chu enfiah turin kar liamta Ningani khan a kal a, mahse a team-te nen beih an tawk a, hliam tuar erawh an awm lo. Hetih lai hian Special director gene­ral of police (Assam) GP Singh chuan he thil thlenna hmunte hi an enfiah thu leh, Nagaland lama district official leh police hotute nen pawh an inbiak thu a sawi. "Ramri chungchanga buaina awm thin hi chinfel dan ngaihtuah turin state pahniha inspector general of police (IG)-te chuan meeting an nei thuai ang," a ti.