Nagaland-in hri leng dona atan Rs vbc 200 chuang hmang tawh

Nagaland finance department chuan hri leng dona atana fund hman dan dik tawk lo nia eptu lamin an sawi chu sawifiahin, hri leng kaihhnawiha sum hman dan hrang hrangte a tarlang. State sorkar hian hri leng dona atan cheng vaibelchhe 200 chuang a hmang tawh.

State sorkarin data a tihchhuahah, kum 2020-21 chhung khan Covid hri leng leh a kaihhnawih thilah cheng vaibelchhe 180.88 leh 2021-22-ah Rs vbc 64.56 hman a ni tawh.

Kum 2020-21 khan health and family welfare department hnenah additional fund, Rs vbc 71.18 pek a ni. Sorkar laipui aṭangin hri dona atan hian Rs vbc 22.26 an dawng a, NEC aṭangin Rs vbc 3 an dawng bawk. Rs vbc 3.60 chu ei tur sem tur leina atan hman a ni a, Nagaland State Disaster Management Authority (NSDMA) chuan Covid kaihhnawih hrang hrangah Rs vbc 61.60 a hmang bawk. Police, jail leh thil dang tan Rs vbc 1.33 hman a ni a, CM relief fund aṭangin Rs vbc 3.55 hman a ni.

Kum 2021-22-ah additional fund Rs vbc 62.75 pek niin, Covid dona atan Rs vbc 25.30, CIHSR-a khum 176 awmna hospistal siamna atan Rs vbc 30 leh vaccine leina atan Rs vbc 7,45 hman a ni a, CM Relief Fund aṭangin Rs vbc 1.81 hman a ni tawh bawk.

Eptu party-te chuan hri dona atana sorkarin sum tam tham tak a tuakchhuahte chu a hman chhuah danah thil fel tawk lo a awm niin an sawi a, hei vang hian finance department chuan sorkar sum hman dante a tarlang a ni.