AP-ah security force leh NSCN-KYA hel inbei

Arunachal Pradesh-a Tirap district-ah Thawhṭanni khan security force leh NSCN-K (NSCN-KYA) helte an inkap.

Security force-te hian Tirap district-a Noglo khuaa helho lutin, Assam Rifles camp lam an pan tih an hriatin an thawk chhuak nghal a, khawchhungah helho hi an lo chang a ni. Helho hian sipaite hi an hmuh veleh kapin, hand grenade pawh pahnih an tipuak nia sawi a ni.

Security force-te hian kap let ve nghalin, helho hi Myanmar ramri lamah an tlanchhe zui a ni. An inkahnaah hian thi leh hliam an awm lo.

He thil thlen hnu hian Noglo khaw mipuite chuan helpawlte chet dan duh lohna lantirin khaw chhungah kawng an zawh zui a ni.