Bawng tawlhruknaa inhnamhnawiha puh Assam Deputy SP Jatin Chandra Das man

Assam-a deputy su­per­­­intendent of Dhubri police (Border) Jatin Chandra Das chu dan loa bawng tawlhru ṭhin nena inzawmna neia puh a nih chungchangah Pathianni zan khan Dhubhri-ah man a ni. IPS section leh Prevention of Corruption Act hnuaiah thubuai siamsak nghal a ni.

Police-te chuan bawng tawlhrutu Rafikul Para­manik pawh an man bawk.

Additional super­intendent of Dhubri police Rozy Sarmah chuan SB(Headquarters) aṭangin police officer zingah bawng tawlhru ṭhinte thawhpui an awm tih an dawn thu sawiin, zawnchhuah tumin beihpui an thlak nghal tih a sawi. "Team eng emaw zat saimin, Dubhri district hmun hrang hrang dap nghal a ni," a ti.

Deputy SP Das hi police station-an thil chhuizui mek zawm tura koh a ni a, mahse thu zawhchian a nih hnuah man a ni ta a ni. Nimin khan Guwahati-a special court-ah hruai a ni.

Assam-a sorkar thar a din aṭang khan police-te chuan ruihhlo tawlhru leh dan kalha sumdawngte dap chhuah hna thawkin beihpui an thlak nghal a ni.