Assam : Covid-19 vanga thi chhungten doctor kutthlak

Assam-a Hojai district-ah Thawhlehni khan Covid-19 hri kai pakhat, CCC-a awm chu a thi a, mitthi chhungte lungawi lo hian doctor Seuj Kumar Senapati chu na takin kut an thlak zui a ni.

Mitthi chhungten doctor kut an thlak lai video hi social media lamah pawh a darh nasa hle.

State health minister Keshab Mahanta chuan he thil thleng na taka demin, Hojap police-te hnenah pawikhawihtute zawng zawng chu man a, thubuai siamsak vek turin a hriattir a ni. Minister chuan, "Frontline warrior tupawh, doctor emaw health worker emaw pawh ni se kutthlak phal a ni lo. Hetianga thiltihnaa inhnamhnawih apiang chu man nghal zel an ni ang," a ti.

Thawhlehni zan khan doctor kutthlaknaa tel mi pathum chu police-ten an man tawh a ni.

Delhi-a cham mek, Assam chief minister Himanta Biswa Sarma chuan frontline worker kutthlaktute chu sorkar chuan a enliam mai mai dawn lo tih a sawi bawk.