Assam Rifles hotu thar Lt Gen Nair-a'n a hna zawm

Assam Rifles Director General thar Lieutenant General Pradeep Chandran Nair chuan Thawhlehni khan a hna thar a zawm.

Lt Gen Nair hi Assam Rifles leh North East bikah tawnhriat ngah tak a ni a, a hmain IG leh Company Commander bakah Brigade commander-te pawh a l oni tawh a ni.

Kohima-ah IGAR (N) in kum hnih dawn a awm tawh a, March 2020 khan Army Headquarters, New Delhi-ah sawn a ni. Army HQ-ah hian Director General Recruiting a ni. Infantry School, Mhow; Indian Military Training Team, Bhutan-ah instructor pawh a lo ni tawh a, Defence Services Staff College-ah Directing Staff-in a lo awm tawh bawk.

Nagaland-a IGAR(N) a nih lai hian Ati Vishisht Seva Medal a dawng a, Manipur-a a awm laiin Yudh Seva Medal dawngin, Chief of Army Staff Commendation Card pawh vawi tum a dawng tawh bawk a ni.