Tripura sorkarin private hospital-te sorkar rate siam zawm vek turin hriattir

Tripura-a private hospital-in Covid-19 hri kai enkawlna man an tisang hle nia report a awm avangin, state sorkar chuan hri kai enkawlna atana Central Government’s Health Scheme (CGHS)-in rate a siam chu zawm vek turin a ti.

Tripura-ah hian Covid-19 hri kai enkawlna atan hian private hospital pahnih chauh hman a ni a, West Tripoura district-a mi ve ve niin Tripura Medical College (TMC) leh ILS-te an ni.

Sorkarin ruahmanna a siamah chuan private institute/hospital-ah pawh oxygen-supported isolation bed-ah ni khatha Rs 4,000 aia tam lak phal a ni lo a, ICU khum pangngaiah ni khatah Rs 7,500 leh ventilator-supported ICU khumah ni khatah Rs 9,000 aia tam lak phal a ni lo. Hei hian damdawi leh experiment neih mante a huam tel bawk ang. Kaihhruaina siamah tel lo, CT scan leh damdawi dangte chu dam lo chuan a mamawh a nih chua a hranin hospital chuan a man a charge ve leh theih dawn a ni.

Chief Minister Office chuan hemi chung­changah hian thu­chhuah siamin, " Mi dam lo mangang laiin private hospital-te chuan hlawkna tel tumin sum tam tak an chawi tir fo ṭhin. State cabinet chuan hri leng mekah hetiang hi a thlen lohna turin thutlukna a siam a ni," a ti.