Meghalaya-in lungalhthei khur chim chungchang chhui dawn

Meghalaya sorkar chuan East Jaintia Hills district-a dan loa lungalhthei khur chim chungchang a chhui chiang dawn. He khur chimah hian thawktu panga vel an la tang nia hriat a ni.

HOme minister Lakhmen Rymbui chuan chhiatna thlen dan chhui tura thupek tihchhuah a nih thu sawiin, khur chimnna hmun, STunga Elaka-a Umpleng AD Camp-ah hian chhanchhuah hna thawktu, State Disaster Response Force (SDRF), Fire Brigade leh police-te pawh an la awm mek thu Thawhlehni khan a sawi.

Khur chhungah hian thawktu panga an la awm nia hriat a ni a, mahse ruah a sur nasat avang leh water level a la san avangin tih theih a awm vak rih lo niin minister chuan a sawi bawk. He khur hi phalna nei loa siam a ni a, hei vang hian a siamtu nia sawi a, Sorder chu man tumin zawn mek a ni a, man a nih hunah mi eng zat nge a chhawr a, khur chhunga hian eng zat chiah nge awm tih pawh an hrechiang thei dawn niin a sawi a ni.