Sorkar laipuiin Assam tan Rs vbc 1,407 a pawm

Sorkar laipui chuan Assam-a kum 2020-21 chhung atana Jal Jeevan Mission kalpuina turin cheng vaibel­chhe 1,407 a pawmsak. 

Jal Shakti ministry chuan Assam sorkar hian thingtlang biala chhungkhaw nuai 13 hnenah kum 2020-21 chhungin an inchhungah tui connection pek hman a tum a ni, a ti. Mahni inchhung ngeia tui an herh haw theihna turin he mission hi chak zawka kalpui tum a nih thu leh, chhungkaw rethei zawkte chu ngaih pawimawh hmasak an nih tur thu a sawi. 

Ministry chuan lockdown avanga hmun danga inhlawh­fa ṭhin, an state-a hawte chu thiam thil neite an nih hlawm thu sawiin, he mission hnuaiah heng mite tan hian hna thawh tur pawh siam theih a ni dawn tih a sawi bawk. 

Jal Jeevan Mission hi thingtlanga cheng, tui connec­tion la nei lote hnena connec­tion pekna tura duan niin nikum khan prime minister Narendra Modi chuan a puang a ni. Kum 2024 ah chhungkhaw vaibelchhe 18-te chu tui connection hi pek kim hman tum a ni.