Meghalaya NPP MLA lakah pawngsual thubuai ziak lut

Meghalaya police-te chuan hmeichhia pakhatin complaint a thehluh behchhanin, rorellai National People's Party (NPP) MLA Thomas A Sangma lakah Nilaini khan pawngsual thubuai an ziak lut.

Complaint thehluttu hian MLA Sangma hian nupuia neih a tum thu chhuanlama hmangin kum khat chuang chhung chu ṭum eng emaw zat a pawngsual niin a sawi.Sangma hi chief minister Conrad K Sangma advisor ni lai ani bawk.

East Khasi Hills district superintendent of police, Sylvester Nongtnger chuan MLA lakah hian IPC section 376 leh 506 hnuaiha thubuai ziah luh a ni tih a sawi.

Eptu party, Cong­ress MLA leh Assembly Committee for Em­powerment of Women chairperson, Mazel Ampareen Lyngdoh chuan Assembly speaker Metbah Lyngdoh hnenah Sangma hi a thubuai ngaihtuah fel a nih ma chu assembly committee-a member a nihna hrang hrang aṭanga ban turin a phut.