Meghalaya-a lungalhthei khur chimnaah NDRT team thleng

Meghalaya-a East Jaintia Hills-a lungalhthei khur chima thawktu panga la tang mekte chhanchhuah hna thawk turin Ningani khan National Disaster Response Force (NDRF) team chuan khur awmna hmun an thleng.

Hemi ni vek hian he khur neitu, Shining Dkhar chu thuneitute kutah a in pe bawk. Dkhar hian khur hi phalna nei loa a siam a ni. Hetih lai hian police-te chuan a manager chu a la biru a, man tumin an zawng mek tih an sawi.

Home minister Lahkmen Rymbui chuan chhiatna thlenna hmun hi a tlawh tawh a, State Disaster Response Force (SDRF) team-in khur chhunga tangte chhanchhuah hna an thawh chu ruahsur nasa avangin an bahhlah niin a sawi.

SDRT-te pui tura kal, NDRF team-ah hian expert diver-te an tel.

Minister chuan khur hi feet 500 chuanga thuk niin a sawi a, motor pathum hmangin khur chhunga tui awmte chu pump chhuah mek a ni, a ti.

Chief minister Conrad K Sangma chuan dan loa thiltite chu hrem zel an i dawn tih a sawi. Chhiatna thlenna hmun, lungalhthei khur pawh hi rauhsan a ni tawh a, tun hnaiah phalna nei loin a neitu hian hna a thawk leh niin a sawi.

Khur chima tang mekte him taka lakchhuah chu an ngaih pawimawh ber a ni tih sawiin, Sangma chuan ruahsur a ziaawm chuan hna pawh chak zawk an thawh theih a beisei thu a sawi a ni.