Tripura-ah Covid-19 kai nu 225 in fa hring tawh

Tripura official chuan an state-a Covid-19 hri a len hnuah, hri kai zinga nu naupai 225 in naute hrisel tak an nei tih a sawi. Heng naute te hian hri hi an kai ve lo tih a sawi bawk.

Nikuma hri leng thawh khatna thlen lai khan Covid-19 hri kai nu 198 in naute an nei a, an zinga 60 chu zaichhuah an ni. Hri leng thawh hnihna thleng mekah nu 27 in nau an nei tawh bawk niin Agartala Government Medical College (AGMC)-a Department of Obstetrics and Gynaecology head, Dr Jayanta Ray chuan a sawi.

Dr Ray chuan naupai lai, hri kaite hi enkawl lutuk an ngai hle tih sawiin, doctor leh staff-te pawhin nu leh naute te an him theihna atan hian theihtawp an chhuah tih a sawi.