Ni 90 chhungin Sikkim district tinah VRDL din turin hriattir

Sikkim High Court chuan kar liam ta Zirtawpni khan an state chhunga district paliah ni 90 chhungin Viral Research and Diagnostic Laboratory (VRDL) din vek turin a hriattir.

Sikkim-ah hian sorkar hnuaiah Viral Research and Diagnostic Laboratory (VRDL) hi East Sikkim district huam chhunga state khawpui, Gangtok-a STNM Hospital-ah chiah a awm a, private VRDL hi Central Referral Hospital-ah awm bawkin, hei pawh hi Gangtok khawpuia awm bawk a ni.

Court chuan VRDL facility hi district tinah an mamawh tih sawiin, district dangte harsatna sukiang turin ni 90 chhung ngeia district dangah pawh din turin a hriattir a ni. Hetih lai hian sorkar chuan South Sikkim-a Jorethang-ah facility hi siam mek a ni tih a sawi.