AP police-in Youtuber Paras Singh kawmtu constable suspend

Arunachal Pradesh police chuan 4th IRBn-a head constable, Nani Talley chu lockup-a awm mek, Youtuber Paras Singh a kawm lai video-a a lak avangin an supsend.

Head constable Talley hian Paras Singh hi zawhna ṭul lo tak tak zawta a be buai lai video hi social media lamah a darh a ni.

Police-te chuan he video hi Yupia-a hearing nei tura Paras an hruaina, court lockup-a awm laia lak nia lan thu an sawi.

4th IRBn comman­dant, Techi Hanyir chuan kar liam ta Inrinni khan Tally-a suspend-na order hi a tichhuak a ni. Thupek tichhuahah hian Tally chu phalna nei lo chuan battalion headquarters chhuahsan lo tura tih a ni.

Judicial Magistrate First Class (JMFC) chuan Zirtawpni khan Paras hi ni sarih dang judicial custody-a awm turin a ti a ni.

Punjab mi, Youtuber Paras Singh hian Arunachal Pradesh MLA Ninong Ering-a'n prime minister Narendra Modi-a hnenah lehkha a thawn, India rama PUBG Mobile India avatar thar, Battlegrounds Mobile India tihchhuah phal lo turin a ngen chungchang a channel-a react-naah, MLA Ering chu sawiselin, India mi pawh ni lo leh, Arunachal Pradesh chu China ram titein a sawi a ni. Chi inthliarna lam hawia thu a sawi vangin a lakah thubuai thehluh a ni a, May 25 khan Punjab-ah man niin, Arunachal Pradesh-ah lak zui a ni. Paras hi Jully-ah district jail-ah a tang mek.