AP : Doctor beihnaa inhnamhnawih mi 2 man

Arunachal Pradesh-a May thlaa Hormin Hospital suasam leh doctor pahnih beihnaa inhnamhnawih mi pahnih chu police-ten an man. He pawikhawihnaa inhnamhnawih dan pakhat pawh hriat a ni tawh a, mahse Covid-19 hri a kai avangin home isolation-a awm mek a ni tih an sawi.

Police-te'n an mante hi May thlaa damdawi-ina thi ta pa leh a fanu an ni. Inrinni zan khan Lower Subansiri district-a Yazali-ah an pafa hian man an ni.

May 3 khan Hormin Hospital-a dam lo hmeichhe pakhat thi chhungte chuan a thih chhanah thawktute inthlahdah vang nia puhin, damdawi-in hi an suasam a, doctor duty pahnih, Dr Tabu Muri leh Dr Nabam Jadav-te pawh kut an thlak zui bawk. He thil thleng avang hian May 7 leh 9 khan Indian Medical Association Arunachal State branch (IMA-AP) leh Arunachal Pradesh Doctors Association (APDA) chuan lungawi lohna lantirin state pumah nawrh an lo huaihawt tawh bawk.