Assam tuilianin mi 32,000 dawn a nghawng
Assam-a tuilian chuan district pahniha cheng mi 32,000 vel a nghawng niin official bulletin chuan a tarlang.
Assam State Disaster Management Authority (ASDMA)-in daily flood report a tihchhuahah, Biswanath leh Lakhimpur district-ah tuilian vanga harsatna tawk hi mi 31,970 an awm a ni. Lakhimpur district chuan tuilian hi tuar nasa berin, mi 31,959 velin an tuar a ni.
ASDMA chuan tuilian hian thingtlang khaw 22 a chim a, thlai chinna ram hectare 413.3 vel a tichhe tawh niin a sawi. Baksa leh Biswanath district-ah tuilian hian kawng leh infrastructure eng emaw zat a tichhe tawh bawk.