SMU-in hri vanga nu leh pa chan Zirlaite an fee awl tir vek dawn
Sikkim Manipal University (SMU), Gangtok chuan Covid-19 vanga nu leh pa chan zirlaite chu university hnuaia academic programme leh course zir tur an la neih zawng zawngah fee awltir vek an ni dawn tih a puang.
SMU pro-chancellor Lt Gen (Dr) MD Venkatesh chuan, "Fee awltir tura thutlukna siam hian, hri vanga nu leh pa chan tate tan eng emaw chen a lo chhawk zangkhai ve theih kan beisei a ni," a ti.
Sorkarin lockdown pawtsei
Sikkim sorkar chuan hri kai an la pun zel avangin lockdown hman mek chu June 21 thleng a pawtsei leh.
May 16 aṭang khan complete lockdown hi puan a ni a, pawhsei zel niin tuna an hman mek hi vawiina tawp tur a ni. Mahse state chhung dinhmun a la ziaawm loh avangin pawhsei leh a ni a, khuahkhirhna ṭhenkhat erawh thlahdul a ni thung ang.