Sikkim : Bhaichung Bhutia lim haltu mi 9 man

Sikkim police-te chuan Pathianni khan Sikkim icon, Bhaichung Bhutia lim haltu mi pakuate an man. Heng mite hi bail-a chhauhtir leh nghal an ni.

Indian football icon leh politician Bhaichung Bhutia lim hi South Sikkim-a Nambi khuaa Central Park Square-ah an hal a, an hal lai video hi social media lamah pawh an thehdarh bawk.

Bhaichung Bhutia lim an halna chhan hi Namchi, South Sikkim-a khum 300 awmna tur hospital sak tumna hmun a sawisel vang a ni. Bhutia hian hospital sak tumna hmun hi Namchi playground neihchhun awmna hmun a nih avangin a sawisel a ni. June 5 khan chief minister Prem Singh Golay chuan hospital sakna tur lungphum hi a phum a ni.

Police-te chuan Bhutia lim halnaa tel, midang paruk pawh man tumin an zawng mek tih an sawi.