Tripura-in Class 10 leh 12 syllabus 30% in titlem

Tripura sorkar chuan kum 2022 board examination neih tur atan Class 10 leh 12 syllabus chu 30% in a titlem.

State secondary edu­cation board president Dr Bhatatosh Saha chuan hri leng vanga zirlaiten kum dang anga school an kal mumal theih loh avangin, nakkuma board exam nei turte tan syllabus hi tihtlem a nih thu a sawi.

Kum 2020-21 aca­demic session-ah pawh board exam turte tan hian syllabus hi 30% in tihtlem a lo ni tawh bawk. 2020-21-a Class 10 leh 12 board exam chu sawn a ni a, a hnuah subject thlan bikah chauh exam hi buatsaih a ni dawn tih a sawi. Mahse tun thlengin thutlukna hi siam a la ni lo.

April thla aṭang khan state chhunga zirna in hrang hrang, school, college leh university-te chu Covid-19 hri leng vangin khar an la ni.