Assam sorkarin vaccine la kim tawhte office kal turin hriattir

Assam sorkar chuan sorkar hnathawk, vaccine full dose la tawhte chu nimin aṭang khan office kal turin a hriattir.

General administration department commis­sioner leh secretary, MS Manivannan chuan Pathianni khan thupek hi tichhuakin, "Sorkar office hrang hrangah tluang taka hna thawh chhunzawm zel a nih theihna turin, Assam sorkar hnuaia thawk, Covid-19 vaccine dose hnih la tawhte chu June 14 aṭangin dan pangngai anga office kal tawh tura hriattir an ni," a ti.

Hriattirna tihchhuah­ah hian hnathawkte chu office-ah Covid-19 kaihhruainate ṭha taka zawm tura tih an ni bawk.

Assam-a hian kar liam ta Inrinni thleng khan vaccine hi dose 47,51,926 pek chhuah a ni tawh. Dose hnih la kim tawh hi mi 9,16,594 an awm a ni.