Sikkim CM-in 2021-22 state budget a pharh

Sikkim chief minister Prem Singh Tamang chuan Thawhṭanni khan financial year 2020-21 atan state budget, cheng vaibelchhe 9,852.85 a pharh.

Ni hnih awh, Sikkim Legislative Assembly session hi Thawhṭanni leh nimin khan neih a ni.

CM Tamang chuan hri lengin an state economy a nghawng na hle tih sawiin, tourism sector chu tuar na ber zingah a tel tih sawiin,nikum chhunga a sum hloh chu Rs vbc 900 a tling niin a sawi. Agriculture, electricity leh excise sector lam pawhin hri leng hian a nghawng hle tih a sawi bawk. Sum lakluh a tlakhniam nasat avangin economy dinhmun siamṭhat chu hna hautak tak a ni dawn a ni, a ti. Budget hi nimin khan sawiho niin, pass nghal a ni.

Tamang hian kumin kumtir khan tourism sector dinhmun chawikan a, sum lakluh a ziaawm chhoh leh theihna turin kum 2022 chu state sorkarin 'Visit Sikkim 2022' atan a puan thu a lo sawi tawh a ni. He ruahmanna hnuaiah hian an state-a khualzin tam zawk hip lut a, tourism industry-te chawikan tum a ni tih a sawi.