Assam zirlaiten board exam ṭhulh tura ngenna court-ah thehlut
Assam sorkarin Class 10 leh 12 board examination kaltlangpui a tum avangin, zirlaite chuan Supreme Court-ah exam buatsaih tum hi ṭhulh tura phutin Supreme Court-ah petition an thehlut.
Class 10 examination hi Board of Secondary Education, Assam (SEBA) buatsaih niin, Class 12 examination hi Assam Higher Secondary Educational Council (AHSEC) buatsaih a ni thung.
State sorkar chuan hri leng vangin board exam hun hi a sawn a, exam neih hun tur erawh a la ruatfel lo.
Assam chief minister Himanta Biswa Sarma chuan an state-a Covid-19 positivity rate 2% hnuai lamah a awm hunah exam hi buatsaih tum a ni tih sawiin, July thla laihawl velah neih theih an tum tih a sawi.
Hetih lai hian zirlaite chuan Supreme Court-a petititon an thehluhah, Assam sorkar chuan zirlaite dinhmun ngaihtuah loin board exam chu buatsaih luih a tum niin an sawi a, an boruak tawn mek nena exam neih tur chu thil dik a ni lo tiin an sawi a ni.