AP sorkarin project siamna tur bial mipuite rawn dawn
Arunachal Pradesh sorkar chuan Bhalukpong-Tawang Railway Project siam tur chu tihfel a nih hmain Tawang district mipuite a rawn phawt dawn tih a sawi.
State chief secretary Naresh Kumar chuan Tawang district deputy commissioner (DC) hnenah project siam tumna biala khaw hrang hranga cheng mipuite ngaihdan la turin a hrilh.
Chief secretary chuan railway line siam tur chu ram pum tan pawha pawimawh tak a nih thu a sawi a, a paltlang tur khaw hrang hranga mite pawhin phal taka an ramte an lo pek a beisei thu a sawi.
June 21 hian thuneitute chuan project siam tumna hmun hi tlawhin, thutlukna pawh an siam fel nghal ang.
Tawang DC Sang Phuntsok chuan rel kawng siam tur hian thingtlang khaw panga - Shernup, Jamkhar, Ruikhar, Bekhar leh Boksar ram a kaltlang dawn tih a sawi. Hei bakah hian tualchhung miten dil thianghlima an ngaih, Tsoh-Manja-Chhenmo lake pawh a paltlang dawn bawk.