Meghalaya sorkarin police force thuam chak dawn

Meghalaya chief minister Conrad K Sangma chuan Thawhlehni khan Home (Police) department hotute kawmin, state police force thuam chak a, infrastructure tihchangtlun dante a sawipui.

Conrad Sangma chuan outpost police station leh battalion-a infrastructure-te tihchangtlun theih dante an sawiho a, thawktu lak belh kher loa a awmsate training ṭha zawk pek leh, system hman mekte siamṭhat dan turte an sawiho tih a tarlang. CM hian SP-te meeting neihpui lehin, hma lak dan tura thutluknate an siam dawn a ni.