Manipur CM-in ADC 6 hnenah ambulance 10 hlan

Manipur chief minister N Biren Singh chuan state sorkarin health sector thuam chakna tura a hmalakna kal zelah, Nilaini khan autonomous district council (AD) paruk hnenah basic life support (BLS) ambulance 10 a hlan.

ADC-te hnena ambulance hlanna programme hi Chief Minister Secretariat-a western gate-ah neih a ni.

Churachandpur, Chandel, Kangpokpi leh Ukhrul distrit-a ADC-te hnenah ambulance hi pahnih ṭheuh pek a ni a, Tamenglong leh Senapati district-a ADC pahnih hnenah pakhat ve ve pek an ni. Heng ambulance-te hi ADC tina chief executive officer-te hnenah CM hian a hlan.

Ambulance-te hi depart­ment of tribal affairs and hills-in Covid-19 dona atana sum a pek hmanga lei a ni. Department hian BLS ambulance 12 leh advanced life suppprt (ALS) ambulance paruk a order a ni. Nilainia la thleng hman lo ambulance dang pariat chu June 25 hian an thlen beisei a ni.