Latvia sorkar leh UNDP hnen aṭangin Nagaland-in medical equipment dawng dawn
Hri leng dona atana Latvia sorkar leh United Nations Development Programme thawkdun chuan Nagaland tan medical equipment an pe dawn.
Chief minister Neiphiu Rio chuan a twitter-ah hemi chungchang hi sawiin, Latvia sorkar leh UNDP-ten hun khirh tak an tawh mekah health system thuam chakna tur hmanrua an pe tur chu lawmawm a tih thu a sawi.
Latvia sorkar chuan India rama hri leng thawh hnihna na tak thleng avangin India health system pawhin an tuar nasa hle tih sawiin, damdawi lam hmanruate an mamawh thu a sawi. Medical equipment leina atan hian Latvia sorkar chuan USD 60,000 a thawh a, hei hi India rama siam AgVa ventilator leina atan hman a ni dawn tih a lo sawi tawh a ni.
India rama Latvia ambassaor, Artis Bertulis chuan UNDP nena thawkho a, India ram health sytem puihna tura tha an thawh ve thei chu lawmawm a tih thu a sawi.
UNDP resident representative Shoko Noda pawhin Nagaland state tana medical equipment mamawh an pekna tura Latvia sorkarin a thawhpui chu lawmawm a tih thu sawiin, UNDP chuan a theih angin midangte puih hna hi a thawk ve zel a ni, a ti.