Sikkim sorkarin office kal ni tipung leh

Sikkim sorkar chuan sorkar hnathawkte tana kar khata ni nga office kal hun a siam chu hnathawktute thawh danah a lungawi loh avangin a titawp leh. 

Hnathawh ni, kar khata ni ruk ni ṭhin chu nikum May thla khan state sorkar hian ni ngaah a titlem a, Inrinni chu office chawlhah a puang a ni. Mahse hnathawh ni zat tihtlem a ni chung hian sorkar hnathawkte chuan an hna an thawk ṭha tawk lo nia sawiin, an lakah sorkar a lungawi lo a ni. Hei vang hian hnathawh ni a tihtlem sak chu tihtawpin, kar khatah ni ruk chhung office an kal chhunzawm leh ang. Mahse Inrinni vawi hnihna leh vawi lina erawh chu an chawl thei dawn a ni.

He system thar hi April 1 aṭanga hman ṭan nghal a nih tur thu sorkar thuchhuah chuan a tarlang.