Nagaland sorkarin wrestling stadium a sa dawn

Nagaland sorkar chuan indigenous Naga sport chawilarna kawng khat atan wrestling stadium a sa dawn. 

Chief minister, Nagaland Olympic Association (NOA) ni bawk Neiphiu Rio chuan  Nagaland Wrestling Association (NWA)  kum 50-na lawmna puala Kohima-a Nagaland Wrestling Meet 2020 neihnaah a puang a ni. Rio chuan Japanese sumo wrestling stadium sak dan zul zuiin, indoor wrestling stadium chu state sorkarin a sa dawn tih a sawi. 

CM chuan infiamnain tumah a thliar lo a, tu tan pawh hun ṭha a awm vek a ni, a ti. Ṭhalaite chu infiamna lam chu eizawnna atana hmang thei tura theih­tawp chhuah turin a chah. Naga indigenous sport chawi lar zel tura mipuite fuihin, dan leh dunte pawh ṭha taka siam turin a chah bawk.