Covid-19 : Kaziranga festival neih hun sawn
Coronavirus, Covid-19 leng mek avangin fimkhur thilah Assam-a Kaziranga festival neih tur chu sawn a ni a, neih hun tur erawh tihchian a la ni lo.
World heritage site-a Kaziranga festival hmasa ber neih hun atan hian March 12-15 ruat a ni a, mahse Golaghat district thuneitute chuan tunlaia hri leng mek avangin mipui punkhawmna hun lo buatsaih chu a remchang rih lo tih a sawi. Festival hi sawn a ni a, a neih hun tur pawh lo ruat ṭhat leh a ni dawn tih a sawi.
March 14-15 chhunga Guwahati-a 33rd Gauhati Book Fair neih tur pawh sawn a ni bawk. Publication Board Assam chuan sorkar laipuiin punkhawmna lian tham buatsaih rih lo tura mipuite thurawn a pek avangin, Book Fair neih hun pawh sawn a ni tih a sawi.