Assam-in two-child policy hmang dawn

Assam chief minister Himanta Biswa Sarma chuan Assam sorkar hnuaia scheme siama hamṭhatna pek turah fa pahnih nei chin, two-child policy hman a ni dawn tih a sawi.

Chief Minister chuan mihring pung chak lutuk tur venna tur, population control policy hman an tum chu scheme zawng zawngah erawh a hman theih dawn lo tih sawiin, scheme tam tak chu sorkar laipuiin a siam a nih avangin hengah hian two-child policy hi hman ve theih a ni dawn lo tih a sawi nghal bawk.

Himanta Biswa Sarma hian June 10 khan minority community-te chu an retheihna tihziaawmna turin family planning policy mumal tak nei turin a lo chah tawh bawk. Hmun dang aṭanga Assam-a Muslim pem lut, chhungkaw rual tak takte a lo sawisel tawh bawk.

CM chuan state sorkar scheme bikah two-child policy hi hman ni mah se, scheme ṭhenkhat - Pradah Marnti Awaas Yojana leh school leh college-a free admission pekna turahte chuan hman theih a ni dawn lo tih a sawi. State sorkarin a hrana housing scheme a siam hunah erawh chuan he policy hi hman a ni ang, a ti.

Assam hian Assam Panchayat Act, 1994 chu kum 2018 khan siamṭhain, Panchayat inthlana chuh turte tan two-child norm hi a lo hmang tawh a ni.