Rahul Gandhi piancham pualin Nagaland Congress-in eitur sem

Nagaland Pradesh Congress Committee (NPCC) chuan Inrinni liam ta khan an party hruaitu, Rahul Gandhi piancham lawmna pualin Dimapur leh Kohima-ah a thlawnin ei tur an sem.

Congress party-in ei tur an semah hian buhfai, thlai, alu, tel leh chi-te dahin, Dimapur-ah mi 500 leh Kohima-ah mi 200 vel hnenah an sem tih NPCC general secretary GK Zhimomi chuan a sawi.

Thuchhuah siamin, NPCC chuan hri leng thawh hnihna thleng avanga India-in dinhmun harsa tak a tawh mek angin Rahul Gandhi hian a piancham pawh hi a lawm lo a, party worker-te a piancham lawmna hi buatsaih lo tur leh, harsatna tawk mekte ṭanpui hna thawk zawk turin a ngen a ni, an ti.