Meghalaya leh Sikkim-ah lockdown pawtsei

Meghalaya leh Sikkim chuan hri leng vanga lockdown an puan mek chu an pawtsei.

Meghalaya sorkar chuan an state-ah hri kai thar an la pun belh zel avangin June 21 thleng lockdown a puan chu thu leh awm hma atan a pawtsei a ni.

Chief secretary MS Rao chuan lockdown puan pawhsei a nih thu hi sawiin, a bikin rural area-ah hri kai hi an la pung hle tih a sawi. "Hri laka invenna turin sorkar chuan June 21 aṭangin thu leh awm hma chu lockdown hi a pawtsei," a ti.

Meghalaya health minister AL Hek chuan district tina deputy commissioner-te chu an district-ah ṭheuh ah khuahkhirhna kalpui danah a ṭul anga ruahmanna siam turin thuneihna pek an ni tih a sawi.

Sikkim sorkar pawhin June 28 thleng atan lockdown pawtseiin, khuahkhirhna ṭhenkhat erawh a thlahdul a, district inkalpawh erawh khap chhunzawm a la ni. May 16 aṭangin lockdown hi puan a ni a, hri lengin ziaawm lam a la pan theih loh avangin an pawtsei zel a ni.