'School Fagathansi Mission' hnuaiah Manipur sorkarin school 60 a pawm

Manipur education minister S Rajen Singh chuan ‘School Fagathansi Mission’ thawh hnihna kalpuina turin assembly constituency 60-ah school pakhat ṭheuh pawm a ni tih a sawi.

‘School Fagathansi Mission’hnuaiah school thlan chhuahah hian infrastructure tihhmasawn a, classroom-te chei ṭhat, toilet block leh classroom dang siam belh, dual desk leh bench siam bakah, zirtirtu dah turte pawh siamrem a ni ang.

Education minister chuan school thlan chhuah 60-te hming hi puangin, he mission thawh khatna chu hlawhtling taka kalpui a lo ni tawh tih a sawi. Mission hlawhtling taka kalpui a nih avang hian sorkar school-a zirlai inziaklut pawh an tam phah ngei beisei a nih thu a sawi bawk.

Singh chuan Covid-19 hri leng chuan sector hrang hrang a nghawng a, hei vang hian hna thawh pawh duh angin a chak thei lo tih a sawi. Mipuite chu he mission kalpuina turah hian sorkar leh education department-te an theih anga thawhpui turin a sawm nghal a ni.