Assam-a Manas Park-a sakei awm zat 16-in a pung

Assam-a Manas National Park-a sakei awm zat chu nikum aiin 16-in an pung.

Kum 2020-a sakei chhiarpui neihah khan Manas-ah hian sakei 10 chauh an awm a, kum 2020-ah khan 30-ah an pung chho a ni. Kuminah camera-trapping hmanga sakei awm zat an chhiarah, sakei 46 hmuh an ni tih Park director Amal Chandra Sarma chuan Pathianni khan a sawi.

"Sakei 16 zeta an pung hi thil lawmawm leh chhinchhiah tlak tak a ni," tiin Sarma chuan Park-a sakei awm zinga 19 chu a nu niin, a pa 16 an awm a, a dang chu a no an ni tih a sawi bawk.

Kum 1992 khan Manas National Park hi 'World Heritage Site in Danger List' ah dah a nih hnuin, kum 2011 khan world heritage status hi a nei let leh thei a ni.

Tun ṭuma sakei chhiar­pui neih hi a tahtawla buatsaih niin, camera hi Bansbari leh Bhyuanpara range-ah kam hmasak phawt a ni a, a hnuah Kahitama, Panbari, First Addition leh Bornadi-ah kam leh an ni.