Tripura : RIMS entrance exam paltlangte Sorkarin scholarship Rs 60,000 pe dawn

Tripura chief minister Biplab Kumar Deb chuan Tripura zirlai, Rashtriya Indian Military College (RIMC) entrance examination paltlangte chu annual scholarship, Rs 60,000 state sorkarin a pe dawn tih a sawi.

Chief Minister chuan hemi chungchang social media post-ah sawiin, Covid-19 hri leng chuan zirlaite zirna kawngah pawh nasa takin nghawng a nei a, hetichung hian zirlai tam tak chuan theihtawp chhuahin national level exam hrang hrangah Tripura hming an ti ṭha hle a ni, a ti.

CM chuan SCERT Tripura chuan RIMC nena thawkdunin, entrance exam hi kum khatah ṭum hnih a buatsaih ziah tih a sawi a, zirlaite chu theihtawp chhuah tura fuihin, midangte cho chhuaktuah ṭang turin a chah a ni. Tripura zirlaite chu an thiamna te ram pum huapa pho chhuak a, Tripura tihmingṭhatu ni zel turin a fuih bawk.

Class 10 leh 12 board exam ṭhulh
Tripura sorkar chuan Covid-19 hri leng vangin Class 10 leh 12 board examanition neih tur chu ṭhulh a nih thu Inrinni liam ta khan a puang.

Education minister Ratan Lal Nath chuan, "Covid-19 hri kai an la pun zel avanign, Tripura Borad of Secondary Education (TBSE)-in Secondary, Higher Secondary, Madrasa Alim leh Madrasa Fazil examination a buatsaih tur thu ṭhulh a ni," a ti. Hri leng vang hian May 18-a exam neih tur chu sawn hlat a lo ni tawh a ni.

Education dearptment leh TBSE official-te chuan Inrinni khan meeting neiin, board exam chugnchangah zirlai nu leh pa, an guardian-te ngaihdan hrang hrang an lakkhawmte chu an ngaihtuah ho a, exam buatsaih loh hi an rel ta a ni.

Minister Nath chuan July 31-ah result hi tihchhuah a ni dawn a, zirlaite hian a hmaa an performance aṭangin an result hi siam a ni dawn tih a sawi.